Transcription
1
Monsieur, je receuz yer au soir la lettre que mavés escript
2
ayant esté bien jouyeux de ce que le pourteur a seiourné en
3
votre commandemant pour mavoir porté de si bonnes nouvelles
4
desquelles vous a pleu me fère part, memes de la
5
bonne volonté de sa maiesté que a de sen fère croire
6
où ceux de la nouvelle oppinion ne vouldroit accepter
7
ce que leur est offert et permis par sadite maiesté.
8
Dieu veilhe quilz se monstrent plus obeissantz
9
à icelle quilz ne sont bon observatuers de la trefve.
10
car, à quoy que le sieur de Monbrun vous aye escript
11
par sa lettre, le double de la quelle mavés envoyé, quilz
12
observent entieremant de leur part ladite trefve, je ne
13
nen vois que rien moins en ce païs de ceux mesmes
14
qui se disent envoyés de la part dudit sieur de Mombrun,
15
veu que le capiteine Vaulnes fet fortiffier nonobstant
16
la trefve le chesteau et lieu de Menglon, et si ne
17
permettent ceux qui sont à Chastillon et Menglon que
18
on porte aulcuns vivres quelz quilz soient en ceste ville
19
tenant telemant serés tous les passaiges comme si on
20
estoit au plus gros de la guerre, voire que yer, sur
21
laprès disner, une troupe de leurs argoletz au près du
22
pont de Quart une lieue desur ceste ville, tua un
23
homme venant de ceste ville et trouvant un aultre venant
24
de La Motte mapportant des lettres du sieur de La Tour,
25
le prindrent, luy ostèrent les lettres, tout largent quil
26
pourtoit et peu sen fallu quilz ne le tuassent.
27
Je leisse appart plusieurs aultres actes contrevenantz à
28
La trefve quilz font que seroient trop longs à vous escripre,
29
Et pource quilz pretandent estans là parqués, nous
30
[190 v°] remettre à la feim silz pouvoient, en cas quilz si veullent
31
opiniatrer à la guerre, sil vous pleisoit menvoyer encores une
32
compaignie de gens de pied et vingt et cinq hommes à cheval,
33
jay espoir, finie la trefve et advant quilz ayent loisir
34
de plus se fortiffier, les oster et chasser de là et leur donner
35
de telle sorte dessus que pleusieurs men raporteroient
36
nouvelles à celuy qui le y a envoyé et ce seroit eslargir
37
les limites et cheines, lesquelles silz occupent une foys
38
sera mal aisé de les en oster ; et si vous puis asseurer
39
quayant executé, Dieu aydant, ce que dessus, ne ferey
40
faulte vous renvoyer et les dits gens de cheval et ladite
41
compaignie. Encores pourrions nous fère par advanture
42
chose et les esclarcir de telle fasson et chasser loing de
43
nous quavec deux compaignies on pourroit garder ceste
44
ville. Je me suis pancé vous remantevoir encores par ceste
45
de se quaultres foys vous avois escript de la demy monstre
46
que fus contrainct payer à mes soldatz au mois de
47
novembre dernier advant que jeusse des nouvelles de
48
la retrancher à cent hommes, sil vous pleisoit comander à
49
messire Loys Scoffier qui a receu yer largent du magasin
50
soubz monsieur de Moidieu de me le bailler, oultre ce que
51
cela me viendroit bien à propos, jen serois daultant
52
deschargé de pancemant. Les contreroles de ma compaignie
53
sont tous prestz et les feray bailler à messire Claude Cat
54
pour les randre à monsieur le tresorier, suyvant votre
55
intention ; et pour le regard de largent don vous
56
escriptz cy dessus de ladite demye monstre, je men remettrey
57
antieremant à ce que sera de votre bonne volonté, laquelle
58jensuyvrey non seulement [barré : ma ] en ce, mais aussi en tout
59
[191] ce que cognoistrey que serey propre soit au service du
60
roy et votre particulier. Et nayant aultre chose digne à
61
vous escripre, cloirey la presente par mes très humbles recommandations
62
que presante à votre bonne grace, priant Dieu vous
63
donner,
64
monsieur, en sainté très longue et heureuse vie. A
65
Dye, ce XIe fevrier 1574.
66
Javoys oblié vous escripre que
67
jay envoyé commission pour fère
68
esmanteler et raser le château de
69
Vercors, puis quil ne vous plaict
70
y mettre gens. Je crois que ne
71
le trouverés mauvais, car cestoit
72
un lieu qui eust servi de beaucop à
73
lennemi et nous heu que de grand
74
empeche.
75
Votre très humble et affectionné
76
à vous fère service
77
glandage.